اللہ آباد ٹریکٹر ٹرالی اور موٹر سائیکل کے درمیان خوفناک تصادم۔ 14 سالہ نوجوان طالب علم موقع پر جاں بحق

عینی شاہدین کے مطابق حادثہ اتنا شدید تھا کہ نوجوان طالب علم محمد انس ولد محمود عباسی کو سر پر گہری چوٹ آئی جو جان لیوا ثابت ہوئی

اللہ آباد(نامہ نگار)اللہ آباد کے چونگی چوک پر ٹریکٹر ٹرالی اور موٹر سائیکل کے درمیان خوفناک تصادم۔ 14 سالہ نوجوان طالب علم موقع پر ہی جاں بحق ہو گیا تفصیلات کے مطابق تحصیل لیاقت پور کے علاقے کوٹلہ نواب کا رہائشید  نوجوان طالب علم محمد انس ولد محموعباسی موٹر سائیکل پر سوار ہو کر سکول جا رہا تھا۔کہ چونگی چوک پرموٹر سائیکل اور ٹریکٹر ٹرالی کے خوفناک تصادم میں جان بحق ہو گیا۔

عینی شاہدین کے مطابق حادثہ اتنا شدید تھا کہ نوجوان کو سر پر گہری چوٹ آئی جو جان لیوا ثابت ہوئی حادثے کی اطلاع ملتے ہی ریسکیو ٹیمیں جائے وقوعہ پر پہنچ گئیں۔ تاہم لواحقین نے کسی بھی قسم کی قانونی یا پولیس کارروائی کرنے سے معذرت کر لی جس کے بعد ضروری کارروائی کے بعد میت کو گھر منتقل کر دیا گیا ہے۔نوجوان کی ناگہانی موت پر علاقے میں فضا سوگوار ہے اور اہل خانہ شدید غم سے نڈھال ہیں۔#