احمد پور یونین آف جرنلسٹس کا پریس کلب احمدپور شرقیہ کے دونوں متحارب دھڑوں میں سے کسی سے الحاق نہ کرنے کا فیصلہ
احمدپور یونین آف جرنلسٹس اپنا آزادانہ تشخص برقرار رکھے گی تاہم اے یو جے کے اراکین کو پریس کلب کے دونوں گروپوں کی تقاریب میں شرکت کی اجازت دے دی گئی
احمد پور یونین آف جرنلسٹس کے سرپرست اعلی احسان احمد سحر نے پریس کلب کے گذشتہ اجلاس میں پریس کلب کے معاملات کے حوالے سے سات رکنی کمیٹی تشکیل دی تھی جسے اجلاس میں شریک اراکین نے فیصلہ سازی کے مکمل اختیارات سونپ دیئے تھے
پنجاب کالج میں منعقدہ سات رکنی کمیٹی کے اجلاس کی صدارت سرپرست محمد سلیمان فاروقی نے کی جبکہ عبدالحمید ثاقب،احمد علی چوہدری ،حمید اللہ خان عزیز،خلیل الرحمن کھوکھر اور محمد ظفر خان اجلاس میں شریک ہوئے
احمد پور شرقیہ (سٹاف رپورٹر )احمد پور یونین آف جرنلسٹس احمد پور شرقیہ پریس کلب احمد پور شرقیہ کے دو متحارب دھڑوں میں سے کسی سے الحاق نہیں کرے گی اور اپنا آزادانہ تشخص برقرار رکھے گی- اس امر کا فیصلہ احمد پور یونین آف جرنلسٹس احمد پور شرقیہ کی سات رکنی خصوصی کمیٹی کے اجلاس میں کیا گیا جو پنجاب کالج میں سرپرست محمد سلیمان فاروقی کی صدارت میں منعقد ہوئی تھی جسمیں احمد علی چوہدری، حمید اللہ خان عزیز ،خلیل الرحمن کھوکر اور محمد ظفر خان نے اجلاس میں شرکت کی جبکہ ساتویں رکن عمران لاڑ سے ٹیلیفونک مشاورت کی گئی احمد پور یونین آف جرنلسٹس کی سات رکنی خصوصی کمیٹی کے اجلاس میں یہ بھی طے پایا کہ اے یو جے کے اراکین ذاتی تعلقات کی بنا پر پریس کلب کے دونوں متحارب دھڑوں کی تقاریب میں شرکت کر سکیں گے- خیال رہے کہ سرپرست اعلیٰ احسان احمد سحر نے احمد پور یونین آف جرنلسٹس کے گزشتہ اجلاس میں پریس کلب احمد پور شرقیہ کے انتخابات کے حوالے سے مذکورہ بالا سات رکنی کمیٹی تشکیل دی تھی جسے اجلاس میں اراکین نے مکمل اختیارات سونپ دیئے تھے