افغان طالبان کی جارحیت کے خلاف، وزیراعظم نےآج اہم اجلاس طلب کرلیا

اسلام آباد: مغربی سرحد پر افغان طالبان کی جانب سے جارحیت کے سلسلے میں وزیراعظم شہباز شریف نے اعلیٰ سطح اجلاس آج وزیراعظم ہاؤس میں طلب کر لیا۔  پی ایم ہاؤس کے ذرائع کے مطابق وزیراعظم کی زیرِ صدارت اجلاس میں چاروں صوبوں کے وزرائے اعلیٰ، وزیراعظم آزاد جموں و کشمیر اور وزیر اعلیٰ گلگت بلتستان شریک ہوں گے۔  ذرائع نے بتایا کہ ملک کی مجموعی سکیورٹی صورتِ حال، افغانستان کے ساتھ جاری کشیدگی پر غور کیا جائے گا جب کہ ملک کی موجودہ کشیدگی کے تناظر میں اہم فیصلے متوقع ہیں۔  پی ایم ہاؤس ذرائع کا مزید کا کہنا تھا کہ اجلاس میں ملک بھر میں مقیم افغان مہاجرین کی فی الفور واپسی کے حوالے سے اہم فیصلے بھی متوقع ہیں۔