Advertisements

سلسلہ قادریہ غوثیہ کے بزرگان دین نے اشاعت اسلام اور عوام کی فلاح و بہبود میں کلیدی کردا ر ادا کیا اسسٹنٹ کمشنر محمد نوید حیدر

AC Muhammad Naveed Haider & Makdoom Syed Iftikhar Hassan Gilani
Advertisements

سینئر پارلیمنٹرین و سجادہ نشین پیر مخدوم سید افتخار حسن گیلانی سے ملاقات کے بعد تاریخی و روحانی نوادرات اور مخطوطات کی زیارت کے موقع پر تبادلہ خیال

اوچ شریف (کرائم رپورٹر) اسسٹنٹ کمشنر احمد پور شرقیہ محمد نوید حیدر نے کہا ہے کہ سلسلہ قادریہ غوثیہ کے بزرگان دین نے اشاعت اسلام اور عوام کی فلاح و بہبود میں کلیدی کردار ادا کیا ہے، سجادگان نے علم و ادب کی آبیاری کر کے خطہ پاک اوچ کا برصغیر میں نام روشن کیا، وہ گزشتہ روز شمس محل اوچ شریف میں سینئر پارلیمنٹرین و سجادہ نشین درگاہ قادریہ غوثیہ عالیہ پیر مخدوم سید افتخار حسن گیلانی سے ملاقات کے بعد تاریخی و روحانی نوادرات اور مخطوطات کی زیارت کے موقع پر تبادلہ خیال کر رہے تھے۔ اسسٹنٹ کمشنر احمد پور شرقیہ نے کہا کہ اسلامی تاریخ کی عظیم ہستیوں سے منسوب کئی سو سال قدیم متبرک اشیا کی حفاظت اور ان کی شایان شان دیکھ بھال کے انتظامات بجائے خود ایک عظیم کارنامہ ہے، اس موقع پر اسسٹنٹ کمشنرمحمد نوید حیدر کا شکریہ ادا کرتے ہوئے مخدوم سید افتخار حسن گیلانی نے کہا کہ میرے بزرگوں نے ہمیشہ عوام سے محبت و الفت کا رشتہ رکھا۔ اسسٹنٹ کمشنر  نے مخدوم سید افتخار حسن گیلانی کی روحانی و سیاسی خدمات اور شہر کی تعمیر و ترقی کے حوالے سے کیے جانے والے ان کے اقدامات کو سراہتے ہوئے خراج عقیدت پیش کیا اور وزیٹرز بک میں اپنے تاثرات قلم بند کیے۔

Advertisements