اسسٹنٹ کمشنر حاصلپور رانا محمد احمد خان نے اچانک صبح سویرے صفائی ستھرائی کا جائزہ لینے کیلئے شہر کے مختلف علاقوں کا دورہ کیا
تحصیل انتظامیہ کی اولین ترجیح ہے کہ ستھرا پنجاب پروگرام کے تحت عوام کو اچھا ماحول فراہم کیا جائےاسسٹنٹ کمشنر کی صحافیوں سے گفتگو
*حاصلپور :ڈپٹی کمشنربہاولپور ڈاکٹر فرحان فاروق کی ہدائت پر اسسٹنٹ کمشنر رانا محمد احمد خان نے اچانک صبح سویرے صفائی ستھرائی کا جائزہ لینے کیلئے شہر کے مختلف علاقوں کا دورہ کیا ۔ اسسٹنٹ کمشنر حاصلپور رانا محمد احمد خان نے بی ڈبلیو ایم سی کے عملہ کی حاضری ، کارکردگی اور صفائی ستھرائی کے عمل کا تفصیلی جائزہ لیا اور اس میں مزید بہترین صفائی کرنے کی ہدایات جاری کی ۔ اس موقع پر اسسٹنٹ کمشنر حاصلپور رانا محمد احمد خان نے صحافیوں سے گفتگو کرتے ہوئے کہا کہ وزیراعلی پنجاب مریم نواز شریف کے ویژن کے مطابق ستھرا پنجاب پروگرام تحصیل بھر میں کامیابی سے جاری ہے ،
تحصیل بھر میں لوکل گورنمنٹ اور میونسپل کمیٹی کے افسران ستھرا پنجاب پروگرام کے تحت تحصیل بھر میں شہروں ، قصبوں سمیت دیہاتوں کو صاف ستھرا اور دلکش بنانے کے لیے فیلڈ میں مکمل متحرک ہیں ۔ اسسٹنٹ کمشنر حاصلپور رانا محمد احمد خان نے کہا کہ عوام الناس کو مزید بہترین میونسپل سروسز کی فراہمی اور ناجائز تجاوزات کے خاتمے کیلئے تمام مشینری و عملہ تحصیل بھر میں مکمل متحرک ہے اور شہروں کی سڑکوں ، گلی محلوں اور دیگر عوامی مقامات کی صفائی یقینی بنانے کیلئے مانیٹرنگ کی جا رہی ہے ۔ اس موقع پر مزید انکا کہناتھا کہ تمام متعلقہ محکموں کے افسران کو اپنی نگرانی میں صفائی ستھرائی اور عوامی شکایات کے فوری ازالے کے لیے فیلڈ میں صفائی ستھرائی میں مزید تیزی لانے کے لیے ہدایت کی گئی ہیں ، میونسپل کمیٹیز کا عملہ سیوریج لائنوں ، واٹر ڈسپوزلز کی صفائی اور گٹروں کو ڈھکن لگانے کا کام باقاعدگی سے جاری رکھے ہوئے ہیں۔ انہوں نے مزید کہا کہ تحصیل انتظامیہ کی اولین ترجیح ہے کہ ستھرا پنجاب پروگرام کے تحت عوام کو اچھا ماحول فراہم کیا جائے*