اسسٹنٹ کمشنر حاصل پور محمد حماد حامد نے پر دو پٹرول پمپ سیل کردئیے ایک ایک لاکھ روپے جرمانہ
ڈپٹی کمشنر بھاول پور ڈاکٹر فرحان فاروق کی ہدائیت پراے سی نے شہر میں عوامی شکایات پر مہنگے داموں چکن گوشت فروخت کرنے پر چکن فروشوں کو بھی موقع پر جرمانے کیے
حاصل پور (نمائندہ خصوصی) ڈپٹی کمشنر بھاول پور ڈاکٹر فرحان فاروق کی ہدائیت پر اسسٹنٹ کمشنر حاصل پور محمد حماد حامد نے اشیائے خورد نوش و پٹرول کی قیمتوں کو اعتدال پر لانے اور گراں فروشی کے خلاف کاروائی کا آغاز کردیا انھوں نے گزشتہ روز اچانک شہر کے دو پٹرول پمپوں پر چھاپہ مار کر پیمانوں میں کمی ہونے اور حفاظتی انتظامات ناقص ہونے پر دونوں پٹرول پمپ سیل کردئیے بعد ازاں دونوں پٹرول پمپوں کو ایک ایک لاکھ روپے جرمانہ کیا گیا جبکہ اے سی نے شہر میں عوامی شکایات پر مہنگے داموں چکن گوشت فروخت کرنے پر چکن فروشوں کو بھی موقع پر جرمانے کیے
اسسٹنٹ کمشنر محمد حماد حامد نے کہا ہے کہ تمام پٹرول پمپ مالکان اپنے پیمانے پورے رکھیں اور ہنگامی صورت حال میں حفاظتی انتظامات کو یقینی بنائیں انھوں نے کہا کہ اشیائے خورد نوش و گوشت کی جو قیمتیں مقرر ہیں ان سے زائد قیمت وصول کرنے مہنگے داموں اشیائے خورد نوش فروخت کرنے والے دوکانداروں کے خلاف سخت کاروائی عمل میں لائی جارہی ہے ایسے دوکانداروں کو بھاری جرمانے اور پرائس کنٹرول ایکٹ کے تحت مقدمات کا اندراج بھی کیا جائے گا کسی کے ساتھ کوئی رعائیت نہی برتی جائے گی دوکاندار اپنی دوکانوں پر ریٹ لسٹ آویزاں کریں