حرمین شریفین کے تحفظ کے لیے متفقہ طور پر ایک ریلی 28 ستمبر بروز سوموار صبح 10 بجے اندرون چوک جامع مسجد سے نکالی جائے گی
مولانا محمد احمد جالندھری اور حاجی محمد ارشد راجپوت کی صدارت میں مختلف تنظیموں اور جما عتوں کے راہنماؤں کا اجلاس میں فیصلہ ،ریلی تحصیل بازار سے ہوتی ہوئی چوک منیر شہید پہنچ کر اختتام پزیر ہوگی
احمد پور شرقیہ: پاکستان مرکزی مسلم لیگ کے زیر اہتمام مسجد عباد الرحمن احمد پور شرقیہ میں ایک ہنگامی اجلاس منعقد ہوا اجلاس کی صدارت مولانا محمد احمد جالندھری ممبر ڈسٹرکٹ امن کمیٹی اور صدر مرکزی انجمن تاجران حاجی محمد ارشد راجپوت نے کی اجلاس میں مختلف جماعتوں اور تنظیموں کے رہنماؤں نے شرکت کی
اجلاس میں حرمین شریفین کے تحفظ کے لیے متفقہ طور پر ایک ریلی نکالے جانے کا اتفاق ہوا ریلی 28 ستمبر بروز سوموار صبح 10 بجے اندرون چوک جامع مسجد سے شروع ہو کر تحصیل بازار سے ہوتی ہوئی منیر شہید چوک پر اختتام پزید ہوگی جہاں شہر بھر کی علمی ادبی سماجی تعلیمی سیاسی مذہبی تجارتی وکلاء صحافی حضرات خطاب کریں گے
اجلاس دو کمیٹیاں بنائی گئی جس میں چار رکنی کمیٹی مشاورت اور ریلی کے معاملات کو دیکھے گی جبکہ پانچ رکنی کمیٹی شہر بھر میں مختلف تنظیموں جماعتوں سول سوسائٹی تجارتی وکلاء کمیونٹی اور سکولز ایسوسییشن کے نمائندہ افراد کو ریلی میں شرکت کے لیے مدعو کریں گے ریلی کے شرکاء کو اپنے ہمراہ پلے کارڈ اور چھوٹے بینر لانے کی بھی ہدایت کی گئی ہے