اسلامیہ یونیورسٹی بہاولپور کے سلیکشن بورڈ کا تین روزہ اجلاس بغدادالجدید کیمپس میں شروع

اسلامیہ یونیورسٹی بہاولپور کے سلیکشن بورڈ کا تین روزہ اجلاس وائس چانسلرانجینئر پروفیسر ڈاکٹر اطہر محبوب کی زیر صدارت بغدادالجدید کیمپس میں شروع ہو گیا۔ اجلاس میں بورڈ اراکین پرووائس چانسلر پروفیسر ڈاکٹرنوید اختر، ڈاکٹر محمد افضل، رکن صوبائی اسمبلی و ممبر سینڈیکیٹ، حمید رضا صدیقی، ممبر سینڈیکیٹ اورڈاکٹر مظہر سعید، چیئرمین بورڈ آف انٹرمیڈیٹ اینڈ سیکنڈری ایجوکیشن بہاولپور،رجسٹرار پروفیسر ڈاکٹر معظم جمیل اور مختلف جامعات سے آئے ہوئے مضامین کے ماہرین شریک ہیں۔ اجلاس میں ڈپٹی خزانہ دار، ڈپٹی رجسٹرار، ڈپٹی لائبریرین،لیکچرز، فیکلٹی آف کیمپوٹنگ، فیکلٹی آ ف لاء، شعبہ ریاضی، معاشیات کے تقریبا169امیدواروں کے انٹرویو لیے جائیں گے۔