ڈپٹی کمشنرعرفان علی کاٹھیا نے معذور مستحق افراد میں وہیل چیئرز اور ٹرائی سائیکل تقسیم کیں

ڈپٹی کمشنرعرفان علی کاٹھیا نے جسمانی طور پر معذور مستحق افراد میں 30 وہیل چیئرز اور 5 ٹرائی سائیکل تقسیم کیں

بہاول پور:22/جون ( )ڈپٹی کمشنربہاول پور عرفان علی کاٹھیا نے جسمانی طور پر معذور مستحق افراد میں 30 وہیل چیئرز اور 5 ٹرائی سائیکل تقسیم کیں۔اس موقع پر ا نہوں نے اظہار خیال کرتے ہوئے کہا کہ سپیشل افراد معاشرے کا اہم حصہ ہیں اور ان کی بحالی، دیکھ بھال اور فلاح وبہبود ہم سب کی اجتماعی ذمہ داری ہے۔انہوں نے کہا کہ اس عظیم کام کی ادائیگی میں معاشرے کے ہر فرد کو بڑھ چڑھ کر حصہ لینا چاہئے۔ وہ اپنے دفتر کے کمیٹی روم میں سوسائٹی فار سپیشل پرسنز کی جا نب سے عطیہ کئے گئے وہیل چیئرز اور ٹرائی سائیکل تقسیم کرنے کی تقریب سے خطاب کررہے تھے۔اس موقع پر ایڈیشنل ڈپٹی کمشنر فنانس فاروق قمر، ڈپٹی ڈائریکٹر سوشل ویلفیئر محمد عزیر، صدر سوسائٹی فار سپیشل پرسنز زاہدہ قریشی، آصف اقبال، فیصل یوسف، ملک شہزاد اور دیگر متعلقہ افراد موجود تھے۔