آئی ایم ایف سے ایک ارب ڈالرز سے زائد کی قسط موصول
پاکستان کو عالمی مالیاتی فنڈ سے ایک ارب ڈالرز سے زائد کی قسط موصول ہوگئی۔
اسٹیٹ بینک کے مطابق آئی ایم ایف سے ایک ارب 5 کروڑ 30 لاکھ ڈالرز کی قسط موصول ہوئی ہے۔ گزشتہ دنوں آئی ایم ایف بورڈ نے قرض کی چھٹی قسط جاری کرنے کی منظوری دی تھی۔
واضح رہے کہ ایک ارب ڈالر کی قسط کے لیے آئی ایم ایف نے کڑی شرائط عائد کی تھیں جس کی بنیاد پر حکومت نے پارلیمنٹ میں منی بجٹ پیش کر کے مختلف اشیا پر ٹیکس عائد کیا گیا جس کے نتیجے میں ملک میں مہنگائی کا نیا طوفان آیا۔