بارش کے پانی سے بھرے گڑھے میں گر کردس سالہ بچہ سجان جاں بحق

ریسکیو ٹیم نے ریلوے فلائی اوور کی دیوار کی تعمیر کے لئے کھودے گئے گئے گڑھے سے بچے کو مردہ حالت میں باہر نکالا

احمد پورشرقیہ (نامہ نگار)بارش کے پانی سے بھرے گڑھے میں گر کردس  سالہ بچہ جاں بحق ہو گیا۔تفصیل کے مطابق کوٹلہ موسی خان روڈ پر ریلوے فلائی اوور  کی دیوار کی تعمیر کے لئے کھودے  گئے گئے گڑھے میں گزشتہ صبح ہونے والی شدید بارش سے گڑھا پانی سے بھرگیا۔ جس میں بہاری کالونی کے رہائشی  عثمان کا دس سالہ بیٹا سجان پیر پھسلنے  سے گر گیا جس کی اطلاع ریسکیو کو دی گئی۔ ریسکیو ٹیم نے  موقع پر پہنچ کر بچے کو باہر نکالا تاہم  دس سالہ سبحان اس دوران جاں بحق ہو چکا تھا ۔