عیدالفطر صادق گڑھ پیلس میں میلے کا سا سماں

ضلع بہاولپور کے مختلف علاقوں سے آنے والے افراد کا نواب صلاح الدین عباسی سے عقیدت کا اظہار اور پرنس بہاول عباس عباسی سے ملاقاتیں

 مخدوم سید ظفر حسن گیلانی اور ان کے صاحبزادگان مخدوم زادہ سید احسن گیلانی اور مخدوم زادہ سید عثمان گیلانی کی بھی گزشتہ شام صادق گڑھ پیلس میں نواب صلاح الدین عباسی اور پرنس بہاول عباس خان عباسی سے ملاقات 

احمدپورشرقیہ(نامہ نگار) پورے ملک کی  طرح ڈیرہ نواب صاحب کی شاہی  عید گاہ میں بھی بڑا اجتماع ہوا۔جہاں  امیر آف بہاولپور نواب صلاح الدین عباسی،میاں عثمان عباسی،پرنس بہاول خان عباسی،میاں گزین عباسی سمیت لوگوں کی کثیر تعداد نے نماز عید اداکی۔اس موقع پر سیکیورٹی کے سخت انتظامات کئے گئے تھے۔ نماز عید کی ادائیگی کے بعد نواب صلاح الدین عباسی کو ویل چیئر پر بیٹھے دیکھ کر سینکڑوں افراد ان کے ارد گرد جمع ہوگئے – اس موقع پر بزرگوں اور نوجوانوں نے اپنی عقیدت کا اظہار کرتے ہوئے نواب صلاح الدین عباسی کے ہاتھ چومے اور ان سے اپنی بے پناہ عقیدت کا اظہار کیا-

 بعد ازاں صادق گڑھ پیلس کے دفتر میں تحصیل بھر کے مختلف علاقوں سے آنے والے درجنوں افراد نے نواب صلاح الدین عباسی اور ان کے ولی عہد پرنس بہاول عباس خان عباسی سے ملاقاتیں  کیں صادق گڑھ پیلس میں گزشتہ تین روز سے میلے کا سا سماں ہے جہاں ضلع بہاولپور کے مختلف علاقوں سے ہر شعبہ زندگی سے تعلق رکھنے والے افراد برابر نواب صلاح الدین عباسی سے ملاقاتیں کر رہے ہیں- دریں اثناء ٹاون کمیٹی اوچ شریف  کے سابق چیئرمین مخدوم سید ظفر حسن گیلانی اور ان کے صاحبزادگان مخدوم زادہ سید احسن گیلانی اور مخدوم زادہ سید عثمان گیلانی نے بھی گزشتہ شام صادق گڑھ پیلس میں نواب صلاح الدین عباسی اور پرنس بہاول عباس خان عباسی سے ملاقات کی-عید کی مبارک دینے کے بعد مخدوم صاحبان نے نواب صلاح الدین عباسی اور پرنس بہاول عباس عباسی سے علاقائی سیاسی صورتحال پر تبادلہ خیال کیا