خاتون اول بیگم ثمینہ عارف علوی کی حضرت محبوب سبحانی اور حضرت سید جلال الدین سرخ پوش بخاری کے مزارت پر حاضری
مخدوم سید افتخار حسن گیلانی نے خاتون اول محترمہ ثمینہ علوی کو تاریخی تبرکات و نوادرات کی زیارت کرائی
اوچ شریف (کرائم رپورٹر ) ا صدر مملکت پاکستان ڈاکٹر عارف علوی کی اہلیہ ثمینہ علوی کی اوچ شریف آمد ، مزارات پر حاضری ، تبرکات و نوادرات کی زیارت کرنے کے ساتھ ملکی سلامتی کے لئے خصوصی دعائیں مانگی ، سیکیورٹی کے سخت انتظامات
تفصیل کے مطابق صدر مملکت پاکستان ڈاکٹر عارف علوی کی اہلیہ محترمہ ثمینہ علوی نے خواتین کے ہمراہ مزار حضرت محبوب سبحانی اور مزار حضرت سید جلال الدین سرخ پوش بخاری پر حاضری دی ، اس موقع پر انہیں تاریخی شہر اوچ کی تاریخ ، بزرگان دین ، اولیاء کرام کی اسلام کی اشاعت کے حوالہ سے خدمات اور تاریخی عمارتوں بارے تفصیلی بریفننگ دی گئی ، انہوں نے ملکی سلامتی اور ترقی کے لئے خصوصی دعائیں مانگی ، بعد ازاں وہ سابق ایم پی اے ، سجادہ نشین دربار قادریہ غوثیہ مخدوم سید افتخار حسن گیلانی کی رہائش گاہ شمس محل گئیں جہاں انہیں تاریخی تبرکات و نوادرات کی زیارت کرائی گئی ، سجادہ نشین مخدوم سید افتخار حسن گیلانی نے اس موقع پر ملکی سلامتی کے لئے خصوصی دعا کرائی ، محترمہ ثمینہ علوی نے شمس محل پر وزیٹرز نوٹ بک میں اپنے تاثرات درج کئے ، ان کی آمد پر سکیورٹی کے سخت انتظامات کئے گئے تھے