گورنمنٹ سکول محراب والا کے قریب 54 سالہ خاتون سکینہ بی بی کی خودکشی کی مبینہ کوشش

خاتون نے خود پر پیٹرول چھڑک کر آگ لگا لی جس کے نتیجے میں ان کا جسم تقریباً60 فیصد جھلس گیا اور حالت تشویشناک ہے

احمد پور شرقیہ (نامہ نگار) گورنمنٹ سکول محراب والا کے قریب 54 سالہ خاتون سکینہ بی بی نے مبینہ طور پر خودکشی کی کوشش کی۔ ریسکیو ذرائع کے مطابق خاتون نے خود پر پیٹرول چھڑک کر آگ لگا لی جس کے نتیجے میں ان کا جسم تقریباً60 فیصد جھلس گیا اور حالت تشویشناک بتائی جا رہی ہے۔ اطلاع ملتے ہی ریسکیو ٹیم موقع پر پہنچی، متاثرہ خاتون کو ابتدائی طبی امداد فراہم کی گئی اور بعد ازاں بہاول وکٹوریہ ہسپتال منتقل کر دیا گیا۔ واقعے کی تحقیقات جاری ہیں ۔