قاضی عدنان فرید کی مدیر احسان احمد سحر کی اقامت گاہ آمد ہمشیرہ طاہرہ نسرین مرحومہ کے ایصال ثواب کے لیے فاتحہ خوانی کی
بلدیہ احمد پور شرقیہ کے انفورسمنٹ انسپیکٹر سید محمد حسنین شاہ بخاری نے ملازمین بلدیہ کے ہمراہ مدیر احسان احمد سحر کی اقامت گاہ پہنچ کر ان کی ہمشیرہ مرحومہ کے درجات کی بلندی اور مغفرت کے لیے دعا کی
احمد پور شرقیہ (سٹاف رپورٹر) پاکستان مسلم لیگ ضلع بہاولپور کے سینیئر نائب صدر قاضی عدنان فرید سابق ایم پی اے مدیر روزنامہ نوائے احمد پور شرقیہ احسان احمد سحر کی اقامت گاہ سیٹلائٹ ٹاؤن آئے جہاں انہوں نے علی پور میں ان کی بہن طاہرہ نسرین ریٹائرڈ آفیسر محکمہ تعلیم کے انتقال پر اپنے دلی دکھ اور افسوس کا اظہار کیا قاضی عدنان فرید نے اس موقع پر مدیر احسان احمد سحر کی کی ہمشیرہ مرحومہ کےایصال ثواب کے لیے فاتحہ خوانی کی اور دعاکی کہ اللہ تعالیٰ طاہرہ نسرین مرحومہ کو جنت الفردوس میں جگہ دے اور پسماندگان کو صبر جمیل عطا فرمائے آمین -دریں اثناء بلدیہ احمدپور شرقیہ کے انفورسمنٹ انسپکٹر سید محمد حسنین بخاری ملازمین بلدیہ کے ہمراہ مدیر احسان احمد سحر کی اقامت گاہ سیٹلائٹ ٹاؤن پہنچے اور ان کی ہمشیرہ طاہرہ نسرین مرحومہ کی مغفرت اور درجات کی بلندی کے لیے دعا کی