اسسٹنٹ کمشنر نوید حیدر کااپنے دفتر کے باہر ریونیوعوامی خدمت کچہری کا انعقاد
ڈیوٹی میں سستی ہرگز برداشت نہیں کی جائے گی آفیسران اور اہلکار اوپن ڈورپالیسی کے تحت اپنے دفاتر میں کام کریں اسسٹنٹ کمشنر کی ہدایت
احمدپورشرقیہ(نامہ نگار)اسسٹنٹ کمشنر کااپنے دفتر کے باہر ریونیوعوامی خدمت کچہری کا انعقاد،موقع پر سائلین کے مسائل حل کیے،درخواستوں پر احکامات بھی جاری کیے۔ تفصیل کے مطابق وزیراعلیٰ پنجاب مریم نواز کے احکامات اور ڈپٹی کمشنر بھاولپور ڈاکٹر فرحان فاروق کی ہدایت پر اسسٹنٹ کمشنر وایڈمنسٹریٹرنوید حیدر نے تحصیلدار و سب رجسٹرار شاہد حسین سپرا،ایل آر او محسن ممتازوٹو،سروس سنٹر انچارج فراز احمد،سروس سنٹر آفیسر ملک جہانزیب منیر،ریونیوآفیسران شہباز حسین،غلام سروربھٹہ،غلام قاسم محبوب،منور محبوب بخاری،گرداوران سلیم اختر خان بلوچ،رشیداحمد،رانانور احمد،خلیل احمدخان،اقبال خان بربرا، پٹواریان قربان حسین،جام سلمان ارشاد،شفیق الرحمن بھٹہ، فہیم اقبال بھٹی،ریاض حسین بھٹہ عامر شہزاد،محمدسلیم،عقیل انصاری،وسیم سلیم ودیگر ریونیو عملہ کے ہمراہ اے آفس کے باہر محکمہ ریونیو کے مسائل کے حل کیلئے ریونیو عوامی خدمت کچہری کا انعقاد کیا۔
عوامی خدمت کچہری میں تحصیل بھر سے سائلین نے شرکت کی اور سائلین کی جانب سے موصول درخواستوں پرمتعلقہ افسران وعملہ کو موقع پر حل کرنے کے احکامات جاری کئے اس موقع پر اسسٹنٹ کمشنر نوید حیدرنے سائلین، شہریوں اور صحافیوں سے گفتگو کرتے ہوئے کہا ہے کہ حکومت پنجاب کی ہدایت پر ہرماہ کے پہلے دوورکنگ ڈیزکو ریونیوعوامی خدمت کچہری کا انعقاد کیاجارہا ہے۔ جس میں سائلین کے مسائل موقع پر حل کیے جا رہے ہیں اور اسی طرح خدمت ڈیسک بھی قائم کیا گیا ہے جہاں ایک چھت کے نیچے سائلین کے مسائل مختلف شعبوں کے متعلقہ حل کیے جارہے ہیں۔ اس موقع پر رجسٹری برانچ ڈومیسائل برانچ اور اراضی ریکارڈ سنٹرکے کاؤنٹر بھی لگائے گئے۔جس میں موقع پردرستگی ریکارڈ، فردکا اجراء، انتقالات کا اجراء، رجسٹری، انکم سرٹیفکیٹ، معائنہ ریکارڈ، ڈومیسائل کا اجراء اور ریونیوسے متعلقہ دیگر معاملات ریونیوعوامی خدمت کچہری کا حصہ ہیں۔ انہوں نے آفیسران اور اہلکاروں کو ہدایت کی کہ اوپن ڈورپالیسی کے تحت اپنے دفاتر میں کام کریں، ڈیوٹی میں سستی ہرگز برداشت نہیں کی جائے گی جو بھی ملازم اپنی ڈیوٹی سے غیرحاضر پایاگیا اس کے خلاف محکمانہ کاروائی کی جائے گی۔ اس موقع پررجسٹری برانچ کلرک خالد عاربی،ریڈر محمدوقاص بھٹی،ریڈر تحصیلداررانا خالد محمود، کامران ترین، معین خان بلوچ،جہانزیب خان،شایان ہارون،واصل باقی شہریار خان انصاری، محمدنادر، وجاہت کلاچی اور پی اے ٹو اے سی محمدشہزاداعوان موجود تھے۔