لاہور ہائی کورٹ کا سموگ پر قابو پانے کے لیے نجی اداروں کے 50 فیصد ملازمین کو گھر سے کام کرنے کا حکم
لاہور (نیوز ڈیسک/ جمعرات، 18 نومبر 2021ء) لاہور ہائی کورٹ نے سموگ پر قابو پانے کے لیے نجی اداروں کے 50 فیصد ملازمین کو گھر سے کام کرنے کا حکم دیا ہے۔ لاہور ہائی کورٹ کے مسٹر جسٹس شاہد کریم نے فیصلہ سناتے ہوئے کہا کہ اس سلسلے میں حکومت پنجاب فوری طور پر نوٹیفکیشن جاری کرے۔ یہ فیصلہ لاہور ڈویژن کے اطراف ان علاقوں پر نافذ کرنے کا حکم دیا گیا ہے جہاں سموگ کی شرح خطرناک حد تک بڑھ گئی ہے۔